Motie: “Oldambtster road dei in meert Grunnegs proat”
De road van de gemainte Oldambt in vergoadering bie mekoar op woonsdag 1 februoari 2023.
Constaterende, dat
Meertmoand Dialectmoand al joaren deur verschaaidende evenementen, wedstrieden, soamenkomsten en tal van aandere culturele zoaken ons Grunneger dialect levendig holt,
het Grunnegs nog aal leeft, kiek allint al noar de veule muzikanten dei in ‘t Grunnegs zingen en de veule minsen dei schrieven, dichten en veurdrachten holden in het mooie Grunnegs.
Overwegende, dat
in dizze road genog minsen zitten dei het Grunnegs machteg binnen,
messchoin noit aal in het proaten moar maaisten wel in het verstoan,
ook de noit-Grunnegers in de road best mit kinnen doun hiermit,
ook Oldambt riek is aan Grunneger cultuur; kiek allint al noar tiedschrift Toal en Taiken en de veule Grunneger schrievers en dichters, het toneel en de muziek.
Maint en besloet, dat
het goud zol wezen dat we doar ain moand in ’t joar bie stil stoan en aandacht veur vroagen,
we joarlieks, om reden van Meertmoand Dialectmoand, de roadsvergoadering in Meert in het Grunnegs goan doun,
we hiermit votdoadelk ook dit joar op 14 meert om 20.00 uur willen begunnen,
dit natuurlijk veur zover as meugelk en elk roadslid dei het Grunnegs noit machteg is toch in zien of heur woordvoeren op zien minst 10 Grunneger woorden gebroekt.
Vroagt het college,
hier in mit te goan.
Droagt de penholder op,
dit joarlieks vannais veur meert te ordern,
as ook, dat we de meertse roadsvergoadering begunnen mit een schier Grunnegs laid, brocht deur een echte Grunneger zanger of zangeres,
dat we den vanzulfs ook Grunneger kouke bie de kovvie kriegen, en gait over tot as wie waarn vandoage.
Noamens,
PvhN Mark Kalse GBO Albert Kuiper VCP Jan Kenter PVV Henk Venema CDA Tim van Bostelen Gruin Links Aart Jan Langbroek Christen Unie Gert Jan Bolt D66 Henriëtte Davelaar
